(2026/10/07)

第六場四班千二米，「文采風流」上季初出已能入Q，反映馬兒擅跑新鮮，上季煞科轉戰谷草同程，只見鞍上人奧爾民發揮極輕柔，早段未有緊跟主馬群，入到直路刻意走內側未能望空，表面右手抽幾鞭，但左手一直捉緊韁繩，對推進馬兒毫無用處，末段追幾步已得第五，此役已仄準馬匹谷草性能，再經暑期評分調整加埋試番兩個閘，手執優先出賽權等今次谷草復出，抽埋好檔點都要搏定呢注。

第九場三班千二米，「星運少爵」上季尾兩度在同程建功，以為評分漸摸頂，但今季復出兩戰三班田草同程形勢惡劣下仍可追回一個第三及第五，反映此匹老馬居然仲有進步，復課重養為主，回師起家的谷草，抽埋一檔，同場又有足夠快馬開路，應會把握機會盡用。

第六場
7.文采風流
9.後無來者 10.頑童 4.銳不可當

第九場
7.星運少爵
2.馬達 1.志滿同行 9.烈焰光芒