(2026/04/01)

第二場「大利好運」落番五班多跑漸勇，上次布文接手，重返泥地變配備有番新鮮感，馬兒快慢由人肯追馬跑第二，更拋離季軍好幾個身位，今場對手熟口熟面，有過上仗經驗應該不易再被走甩，原裝配搭補中機高。

第四場「後無來者」轉戰泥地除一哩長力不足輸遠外，其餘千二兩度上名，就算落敗第五亦收獎金，可見此程為目前最佳出路，同組有幾匹快馬在陣料易搵遮擋，一檔沿欄慳位留住走，巴度騎功駕輕就熟，形勢造就隨時一網打盡。

第二場
10.大利好運
13.幻影旋風 14.樂矚心機 5.齊歡最樂

第四場
12.後無來者
2.伶俐驫駒 1.偵探傳奇 3.常嚐發財